Rita Ora, anëtare e jurisë në “The Voice of Australia”

Këngëtarja shqiptare me famë botërore, Rita Ora, do të jetë pjesë e jurisë në “The Voice Australia” për vitin 2021, shkruan “Daily Mail”, transmeton albinfo.ch.

Siç është raportuar nga “Perth Now”, ylli i pop-it në Mbretërinë e Bashkuar, Rita Ora, do të bashkohet me një panel me të gjithë yjet e këngëtarët australianë, përfshirë Keith Urban, Jessica Mauboy dhe mentorin e vitit të kaluar, Guy Sebastian.

Duhet theksuar se për Rita Orën kjo nuk do të jetë një eksperiencë e parë në shfaqje të tilla që zbulojnë talente, pasi edhe më parë është shfaqur në edicionet britanike të “The Voice” dhe “X Factor”.

“Unë e dua The Voice dhe unë absolutisht e adhuroj Australinë, kështu që pranoj me kënaqësi”, i tha ajo Perth Now. “Mezi pres të gjej super yllin e Australisë”, ka shtuar këngëtarja.

The Voice Australia është vendosur të transmetohet në “Channel Seven” për herë të parë në 2021, pasi “Nine Network” nuk arriti të rinovojë kontratën e saj pas një drejtimi nëntëvjeçar.