Tematike
Qeveria kërkon masa më të ashpra, “kërcënon” me një bllokim të dytë
Nëse situata përkeqësohet më tej në javën e ardhshme, Këshilli Federal planifikon të miratojë masa të mëtejshme në mbledhjen e tij më 18 dhjetor
Këshilli Federal është i brengosur për situatën epidemiologjike në Zvicër dhe dëshiron ta përmirësojë atë sa më shpejt të jetë e mundur, me një proces në shumë faza, raporton srf.ch.
Në takimin e ardhshëm që do ta mbajë të premten, më 11 dhjetor, qeveria planifikon të unifikojë dhe forcojë masat kundër koronës në nivel kombëtar, transmeton albinfo.ch. Për këto masa dhe hollësitë tjera u bë fjalë në konferencën për media që përfundoi pak më parë në Bernë, ku gazetarëve iu përgjigjën presidentja e konfederatës, Simonetta Sommaruga dhe ministri i shëndetësisë, Alain Berset.
Kështu, qeveria e shtetit u bën kantoneve në një konsultim me to propozimet e mëposhtme: Restorantet, dyqanet dhe tregjet, aktivitetet e kohës së lirë dhe sportive duhet të mbyllen në orën 19 të mbrëmjes dhe të qëndrojnë të mbyllura të dielën.
Jo më shumë se 5 persona nga dy familje mund të bëhen bashkë për një ngjarje private. Përjashtim bëjnë festime për deri në 10 persona nga 24 deri më 26 dhjetor (për Krishtlindje) dhe më 31 dhjetor (nata e Vitit të Ri).
Ngjarjet publike janë të ndaluara me përjashtim të ceremonive fetare dhe takimeve legjislative, përcjell albinfo.ch. Të gjitha aktivitetet kulturore (përfshirë aktivitetet shkollore) janë të ndaluara. Ngjarjet në sektorin profesional me audiencë janë të ndaluara, me përjashtim të ngjarjeve të transmetuara në internet pa audiencë.
Masat duhet të zbatohen nga 12 dhjetori deri më 20 janar. Nëse situata përkeqësohet më tej në javën e ardhshme, Këshilli Federal planifikon të miratojë masa të mëtejshme në mbledhjen e tij më 18 dhjetor. Aty përfshihen mbyllja e restoranteve dhe dyqaneve.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?