Infektohet me Covid -19 ushtari austriak i KFOR-it, niset menjëherë për Salzburg

Një ushtar austriak i KFOR-it është infektuar me Covid -19 në Kosovë. Ushtari që është nga Salzburgu, është nisur menjëherë të hënën në mbrëmje drejt qytetit të tij të lindjes për trajtim mjekësor, shkruan krone.at, përcjell Albinfo Austria.

Të hënën në mbrëmje rreth orës 19.15, një “Hercules” C-130 u ul në Aeroportin e Salzburgut si pjesë e një evakuimi mjekësor:

Në bord ishte një ushtar i Salzburgut, i cili kishte dalë pozitiv me Covid-19 gjatë misionit të tij në Kosovë. Trajtimi i mëtejshëm i ushtarit është duke u kryer në Salzburg, transmeton Albinfo Austria.

Ky nuk është rasti i parë i ushtarëve austriakë që rezultojnë pozitivë me Covid -19 në Kosovë.

Në Kosovë aktualisht janë mbi 400 ushtarë austriakë si pjesë e misionit paqeruajtës.