Tematike
Qyteti i Cyrihut nis një projekt për të paguar rrogat bazë pa punë
Të ardhurat e pakushtëzuara bazë mund të futen së shpejti në qytetin e Cyrihut, por fillimisht si një eksperiment ose projekt pilot
Kriza e koronës i ka dhënë një ideje të vjetër një hov të ri. Të ardhurat themelore të pakushtëzuara (rrogat, pa punuar) po diskutohen përsëri në Zvicër dhe Gjermani në këtë kohë krize. Janë planifikuar eksperimente të ndryshme shkencore, shkruan srf.ch.
Në këtë kontekst, të ardhurat e pakushtëzuara bazë mund të futen së shpejti në qytetin e Cyrihut, por fillimisht si një eksperiment ose projekt pilot. Këtë po e kërkon një komitet i politikanëve të PS, FDP, GLP dhe Juso, transmeton albinfo.ch. Bëhet fjalë pra për një organ të kombinuar mirë, nga përfaqësues të të majtës dhe të djathtës. Përmes këtij projekti ata dëshirojnë të kuptojnë se çfarë shkaktojnë të ardhurat bazë mujore në popullsi dhe prandaj kanë nisur një iniciativë popullore në nivelin e qytetit.
Deri më tani në Zvicër kanë dështuar të gjitha përpjekjet për të testuar të ardhurat themelore të pakushtëzuara. Në vitin 2018, kineastja nga Aargau Rebecca Panian ishte përpjekur të provonte funksionimin e të ardhurave themelore të pakushtëzuara në komunën Rheinau të Kantonit të Cyrihut, por pa sukses. Nuk u grumbulluan mjaft para.
Se si duhet të realizojë në praktikë qyteti i Cyrihut testin pilot, iniciatorët duan t`ia lënë vetë qytetit, përcjell albinfo.ch. Kështu, ndër të tjera, mbetet e paqartë se sa të larta do të jenë të ardhurat dhe rrjedhimisht, sa do të kushtonte eksperimenti.
Por është e qartë se këto të ardhura nuk duhet të jenë nën nivelin e ndihmave sociale. Është gjithashtu e qartë se qyteti i Cyrihut duhet të paguajë për eksperimentin dhe se në të duhet të marrin pjesë të paktën 500 njerëz.
Këshilli i Qytetit dhe ekonomistët janë skeptikë
Këshilli i qytetit kohët e fundit ka folur qartë në një peticion online kundër idesë së të ardhurave themelore të pakushtëzuara . Në përgjigjen e tij ai ka shkruar: “Një e ardhur themelore e pakushtëzuar nuk do të ishte e dobishme as në kushtet e ndryshuara të kornizës ekonomike”. Iniciatorët kanë bërë fushatë për të ardhurat themelore gjatë krizës së koronës.
Si funksionojnë të ardhurat bazë?
Jo vetëm këshilli i qytetit është skeptik për eksperimente të tilla, por edhe ekonomistë të ndryshëm, si Thomas Straubhaar, transmeton albinfo.ch. Ai është profesor (nga Zvicra) i marrëdhënieve ekonomike ndërkombëtare në Universitetin e Hamburgut dhe prej vitesh shkruan për të ardhurat themelore të pakushtëzuara.
Sipas tij, njerëzit përveç që do të silleshin ndryshe kur e dijnë se janë pjesë e një eksperimenti, sjellja e tyre do të jetë ndryshe edhe për faktin se eksperimenti është i kufizuar, përcjell albinfo.ch. “Për shkak se pjesëmarrësit e dinë që ata nuk do të marrin para deri në fund të jetës së tyre, një e ardhur bazë e pakushtëzuar në këtë kontekst ka më shumë efekt të fitimit të lotarisë.”
Të ngjashme
Të tjera nga Tematike
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?