Kosova

Vjeshta ka shumë dashuri në Prishtinë (FOTO)

Prishtina ka marrë pamje tjetër, mahnitëse, në vjeshtë... (Foto)

E enjte, 22 Tetor 2020 - 12:20 albinfo.ch

Agan Kosumi

Vjeshta është sezon frymëzues, është stina ku natyra bie në gjumë dhe na dhuron ngjyra të bukura, për ta parë dhe shijuar këtë kohë të veçantë viti, shkruan albinfo.ch.

Kryeqyteti i Kosovës, Prishtina, ani pse pa lumë, në stinën e vjeshtës ka marrë pamje krejt tjetër, është zbukuruar këtyre ditëve si ndodh rëndom në çdo fillimvjeshte, shkruan albinfo.ch.

Ani pse mbrëmjet kanë filluar të freskohen, duke na njoftuar se vjeshta ka ardhur, kur ngjyra e gjelbër e pranverës dhe e verës pak nga pak fillon të shndërrohet në ngjyrë të verdhë, të artë dhe në ngjyrë kafe të pjekur, e të kuqe.

Kjo stinë na fal shumë ngrohtësi me ngjyrat e saj në sheshet e Prishtinës, duke dhuruar plot energji e shpirt.

Vjeshta mbetet një ndër stinët më tërheqëse dhe emocinouese për ata që dinë të shijojnë bukuritë që kjo stinë të falë çdo ditë në qytetin e Prishtinës. /Albinfo.ch