Përfaqësuesi i Kosovës rrëmben çmimin e parë, mposht serbin në xhudo

Është bërë e ditur se xhudisti japonez ka mposhtur serbin për të artën e parë me flamur të Kosovës. Shigeki Nakamura ka fituar medaljen e artë në Kupën Evropiane të xhudos që po mbahet në Dubrovnik të Kroacisë, transmeton albinfo.ch.

Në një ndeshje me xhudistin serb, ndeshje kjo për të artën, në finale të kategorisë deri në 73 kg, të shtunën pasdite, mposhti xhudistin Aleksandar Rajiçiq me “ippon”. Deri në finale, ai fitoi edhe tri luftëra të tjera.

Nakamura para pak kohësh ka vendosur të përfaqësojë Kosovën në garat ndërkombëtare dhe në paraqitjen e parë, fitoi të artën.

Nga ana tjetër. Flaka Loxha ka humbur finalen e saj në Dubrovnik. Ajo u mposht nga italianja Veronica Toniolo me një “waza-ari” pas katër minutash luftë.

Deri në finale të kategorisë deri në 57 kg, Loxha kishte fituar dy lufta.

Më herët gjatë ditës, Laura Faziu fitoi medaljen e artë.