Shqipëria
Shqipëri: 54 milionë euro më pak shpenzohen në kafene dhe restorante
Kafet dhe restorantet ishin të mbyllura për gati tre muaj, nga mesi i marsit deri në mesin e muajt maj, duke i detyruar shqiptarët të heqin dorë nga një ritual i përditshëm.
Teksa karantina detyroi shumëkënd që të rrinte në shtëpi, edhe shpenzimet për bare e restorante ranë në mënyrë drastike.
Sipas të dhënave zyrtare të INSTAT, indeksi i volumit të shitjeve të aktivitetit “Bar-restorante” ra me 55 për qind në tremujorin e dytë, në krahasim me të njëjtën periudhë të 2019-së. Në tremujorin e dytë 2019, ky indeks ishte rritur rreth 4 për qind me bazë vjetore.
INSTAT raporton se mesatarisht, aktiviteti i bareve e restoranteve qarkullon rreth 375 milionë euro deri 390 milionë euro në vit, sipas të ardhurave gjithsej raportuar në “Anketa Strukturore e Ndërmarrjeve 2018” dhe volumit të rritjes prej rreth 4 për qind në 2019-në. Mesatarisht çdo tremujor, shqiptarët shpenzojnë në kohë normale në bare e restorante rreth 95 milionë euro deri 97 milionë euro. Ndërsa në tremujorin e dytë 2020, në kulmin e karantinës rezulton të jetë shpenzuar rreth 54 milionë euro më pak për ritualin e përditshëm të kafesë, ose konsumit të pijeve e produkteve ushqimore nëpër restorante.
Mbyllja e bareve dhe restoranteve ndikoi negativisht dhe në punësim. Sipas të dhënave të INSTAT shkurtimet më të mëdha nga puna janë aplikuar nga sektori i bareve dhe restoranteve ku raportohet rënie e indeksit të punësimit më 31.8 për qind, e pasuar nga hotelet më 20.2 për qind dhe fabrikat me 12.8 për qind, në sektorin e akomodimit ushqimor (ku përfshihen baret e restorantet) ishin të punësuar rreth 50 mijë punonjës. Një rënie me rreth 32 ë e punësimit ka nxjerrë përkohësisht nga tregu i punës rreth 16 mijë persona.
Kafenetë dhe restorantet përbëjnë 16 për qind të totalit të ndërmarrjeve në ekonomi.
Sipas INSTAT, i cili publikon konsumin final të familjeve sipas grupeve kryesore, në 2018-në, viti i fundit kur janë në dispozicion të dhënat, shpenzimet totale për grupin e bare restorante e hotele ishin rreth 385 milionë euro, duke shënuar një nivel rekord dhe duke u rritur me 11 ë në raport me vitin e mëparshëm.
Shpenzimet për kafene, restorante dhe hotele përbëjnë 3.7 për qind të konsumit gjithsej. Shqiptarët shpenzojnë për kafe e restorante e hotele, më shumë sesa për arsimin, apo për pije e duhan.
Në raport me popullsinë, Shqipëria numëron 518 bare për çdo 100 mijë banorë, duke kapur rekord jo vetëm në Evropë, por edhe në botë. Ndërsa lë shumë pas vendet e Ballkanit Perëndimor.
Sipas përllogaritjeve të Monitor, bazuar në të dhënat e Eurostat mbi numrin e aktiviteteve të shërbimit të pijeve dhe numrit të popullsisë, numri i bareve në Bashkimin Evropian në vitin 2017 nuk ishte më i lartë se 115 bare për çdo 100 mijë banorë.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?