600 veta festojnë pa maska në anije në Romanshorn të Zvicrës

Më shumë se 600 njerëz dhe disa DJ kanë hyrë në anijen - traget "Euregia" në Romanshorn dhe kanë marrë pjesë në vallëzim me tingujt hardstile tërë pasditen

Imazhet nga një aheng me qindra persona në një anije në Liqenin e Konstancës (Bodensee) aktualisht po shkaktojnë shqetësim. Një video tregon se si njerëzit vallëzojnë lirshëm në një traget në këtë liqe, shkruan tagblatt.ch. Për maska, as që bëhej fjalë.

Më shumë se 600 njerëz dhe disa DJ kanë hyrë në anijen – traget “Euregia” në Romanshorn dhe kanë marrë pjesë në vallëzim me tingujt hardstile tërë pasditen, transmeton albinfo.ch. Maska mbrojtëse falas janë shpërndanë në hyrje, por duket se askush nuk interesohej për to gjatë festimit.

Sipas gazetës, organizatori hedh poshtë çdo faj. Ai, në një njoftim për media thotë: “Para dhe gjatë ngjarjes, vizitorët janë informuar për detyrimin e maskës dhe masat e tjera të higjienës. Gjithashtu është bërë bë gjurmimi i kontaktit në mënyrë elektronike. Kështu, ne kemi respektuar të gjitha aspektet ligjore “.

Ndërkaq, Zyra për Shëndetësi e kantonit thurgau konfirmon se zbatimi i koncepteve të mbrojtjes është përgjegjësi e organizatorëve, përcjell albinfo.ch. Ajo gjithashtu informon se kantoni po heton çështjen dhe po shqyrton pasojat ligjore kundër organizatorit.

---