Financa
Pandemia ndikon pozitivisht, Bezos thyen rekord me pasuri
Thuajse 90% e pasurisë së Bezos vjen nga aksionet në Amazon, por ai zotëron edhe Washington Post, kompaninë aerohapësinore Blue Origin dhe investime të tjera
Pandemia e COVID-19 nuk ka ndikuar aspak në fitimet e Jeff Bezos, i cili zotëron Amazon. Përkundrazi. Sipas “Bloomberg Billionaires Index”, numri një i kolosit teknologjik ka thyer një tjetër rekord. Pasuria e tij ka arritur në 202 miliardë dollarë dhe është i pari në botë, i cili ka kapërcyer kufirin 200 miliardë.
Falë rritjes në bursë të aksioneve të Amazon, pasuria e manjatit 56-vjeçar u rrit me 4,9 miliardë dollarë. Pas themeluesit të Amazon renditet Bill Gates, pasuria e të cilit është 124,3 miliardë dollarë. Në vend të tretë, themeluesi i Facebook, Mark Zuckerberg, me 114,7 miliardë dollarë. Elon Musk, ngjitet në vendin e katërt, me 101,1 miliardë dollar, transmeton Monitor, përcjell albinfo.ch.
Jeff Bezos mund të kishte qenë edhe më i pasur nëse nuk do të divorcohej nga gruaja e tij. Ndarja e Jeff Bezos dhe MacKenzie Scott do të mbahet mend si divorci më i shtrenjtë në histori (deri më tani). Divorci i kushtoi Bezos 25% të aksioneve të Amazon, për një total prej 63 miliardë dollarësh. Por bumi për Bezos erdhi me pandeminë dhe ‘lockdown’ (mbylljen), të cilat nxitën ndryshimin e mënyrës së konsumit të njerëzve, duke rritur aksionet e Amazon me thuajse 80% që nga fillimi i vitit. Thuajse 90% e pasurisë së Bezos vjen nga aksionet në Amazon, por ai zotëron edhe Washington Post, kompaninë aerohapësinore Blue Origin dhe investime të tjera.
Bill Gates
Në vend të dytë, me thuajse 80 miliardë dollarë më pak, renditet themeluesi i Microsoft, Bill Gates. Me një pasuri 124 miliardë dollarë, sipërmarrësi dhe filantropi, i lindur në Seattle, “ka luajtur kokë me më kokë” me Jeff Bezos, deri vitin e kaluar, për titullin e njeriut më të pasur në botë, ndërsa këtë vit erdhi shkëputja.
Mark Zuckerberg
Në vend të tretë në “Bloomberg Billionaires Index” renditet Mark Zuckerberg, numri një i Facebook. Pasuria e themeluesit, presidentit dhe administratorit të deleguar të rrjetit social, që ka ndryshuar botën, arrin në 115 miliardë dollarë.
Elon Musk
Surpriza e vërtetë në klasifikimin e njerëzve më të pasur në botë është sipërmarrësi afrikanojugor Elon Musk. Themeluesi i Tesla dhe SpaceX, ka fituar vendin e katërt, duke kaluar për herë të parë kufirin 100 miliardë dollarë.
Të ngjashme
Të tjera nga Financa
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?