“Shpia e Agës”, çmimin “Arena e Artë” për filmin më të mirë në Festivalin e Pulas

Suksesi i regjisores dhe skenaristes shqiptare me banim në Francë, Lendita Zeqiraj.

Filmi i artistes, i titulluar “Shpia e Agës”, merr çmimin kryesor “Arena e Artë” për filmin më të mirë në Festivalin e Pulas. Në film shtjellohet rrëfimi i pesë grave, që bartin me vete traumat e luftës në Kosovë, përcjell albinfo.ch.

Duket se sukseset e “Shpisë së Agës”, nën regji të Lendita Zeqirajt, s’kanë të ndalur. Ajo ka rrëmbyer çmimin kryesor “Arena e Artë”.

Filmi i regjisores Zeqiraj, në të cilin shtjellohet rrëfimi i pesë grave, që bartin me vete traumat e luftës në Kosovë, ishte në garë me nëntë filma të tjerë.