A fituan vendet që nuk raportuan asnjë person me COVID 19?

(KEYSTONE/Laurent Gillieron)

Coronavirusi është shtrirë në pothuajse çdo shtet të botës – përveç dhjetë prej tyre. Pra, çfarë bëjnë ata tani?

Hoteli Palau u hap në vitin 1982, para turizmit masiv, por që nga ajo kohë, ky komb i vogël, i rrethuar nga Oqeani Paqësor, ka pasur një bum ekonomik.

Në vitin 2019, 90 mijë turistë erdhën në Palau, pesë herë më shumë se popullsia e përgjithshme. Në vitin 2017, treguan shifrat e FMN-së, turizmi përbënte 40 për qind të GDP-së së vendit.

Por kjo ishte para pandemisë globale të quajtur COVID-19, raporton BBC, transmeton Telegrafi.

Kufijtë e Palaus janë mbyllur, në të vërtetë, që nga fundi i marsit. Është një nga dhjetë vendet e vetme në botë pa asnjë rast të konfirmuar (duke llogaritur vetëm vendet që janë anëtare të plota të Kombeve të Bashkuara dhe përjashtuar Korenë e Veriut dhe Turkmenistanin).

Megjithatë, pa infektuar një person të vetëm, virusi ka shkatërruar vendin.

Hoteli Palau është mbyllur që nga muaji mars dhe nuk është i vetmi. Restorantet janë bosh, dyqanet e suvenireve janë mbyllur, dhe të ftuarit e vetëm të hotelit po kthejnë banorët në karantinë.

Në shkallë kombëtare, vendi pritet të humb më shumë se 700 vende pune shkaku i virusit, rënia më e madhe që nga viti 1997. Prej tyre, 258 do të jenë në sektorin e hotelerisë dhe restoranteve.

Por vetë-izolimi ndikon më shumë sesa turizmi – dhe Ishujt Marshall janë shumë më pak të varur nga pushuesit sesa Palau. Një problem më i madh është industria e peshkimit.

Për ta mbajtur vendin pa COVID-19, anijet që kanë qenë në vendet e infektuara u ndalohet të hyjnë në portet e vendit. Varka të tjera, përfshirë depozitat e karburantit dhe anijet e kontejnerëve, duhet të kalojnë 14 ditë në det para se të hyjnë. Licencat e peshkimit nuk janë shitur, dhe fluturimet e ngarkesave janë shkurtuar.

Me pak fjalë, ju mund ta mbani virusin jashtë, por nuk mund ta mposhtni. COVID-19 ju merr në një mënyrë ose në tjetrën.

Vendet pa raste të regjistruara me coronavirus:
Palau
Mikronezi
Ishujt Marshall
Naureu
Kiribati
Ishujt Solomon
Tuvalu
Samoa
Vanuatu
Tonga