Futboll
FC Kosova Zürich lëshon fitorën në minutën e fundit të lojës
Ekipi më i sukseshëm shqiptar në Zvicër, FC Kosova, ka mbyllur dje ndeshjen e dytë kampionale me barazim, duke marrë gol në minutën e 90-të.
Ndonëse e startuan mjaftë mirë ndeshjen ndaj ekipit USV Eschen-Mauren, duke shënuar një supërgol nga distanca në minutën e 15-të përmes sulmuesit Diego Zoller dhe gjashtë minuta më vonë prapë përmes një solo-driblimi të po të njejtit lojtar, Zoller- nuk ia dolën ta ruajnë rezultatin prej dy golash epërsi deri në fund.
Ekipi musafir i ardhur nga mbretëria e Liechtensteinit luajti mirë dhe nuk u dorëzua për asnjë moment së kërkuari golat e ngushtimit të epërsisë. Kështu, ata ngushtimin e epërsisë në 2-1 e arriten në minutën e 40-të përmes një gjuajtje të lirë të cilën me precizitet të lartë e gjuaji Stjepan Vuleta.
Pjesën e dytë Kosova e nisi me nervozitet e duke bërë gabime në pasime, pasi presioni i musafirëve në mesfushë rritej dhe loja në dyluftime ashpërsohej. Kështu lojtari i FC Kosovës, Heroid Gjoshi u ndëshkua me kartonin e dytë të verdhë në minutën e 62 dhe Kosova mbeti me 10 lojtarë në fushë për pjesën tjetër të lojës.
Musafirët e shfrytëzuan epërsinë e numrave në fushë duke krijuar raste të mira për shënim, por që nuk e kalonin dot portën e Arianit Lazrajt. Kur po zhvillohej minuta e 90 e lojës dhe me qindra shikues po prisnin arkëtimin e tri pikëve të para të FC Kosovës, nga një distancë e largët shfaqet prapë me një gjuajtje precize Stjepan Vuleta, dhe tund rrjetën ne këndin e djashtë të portës së Arianit Lazrajt.
Më pas Kosova sikur u zgjua dhe pati dy raste shënimi në minutat shtesë të lojës, por pa konkretizim. FC Kosova Zürich ka zhvilluar dy ndeshje kampionale dhe renditën në pozitën e dhjetë me një pikë. Kundërshtari i ardhshëm FC Linth 04 e pret Kosovën me 29 gusht në Näfels
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta “Objeksionet e paraburgimit si ato që Danimarka po planifikon në Kosovë janë gjithashtu pjesë e planit...
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri
-
Dëmet e aksidenteve rrugore arrijnë në miliarda në Austrinë e Epërme