Imuniteti mund të zgjasë deri 1 vit

Keystone

Një ish-zyrtar i Administratës së Ushqimit dhe Barnave, doktor Scott Gottleib tha se personat e prekur nga COVID-19 mund të fitojnë imunitet ndaj virusit që mund të shkojë deri në një vit.

Duke folur për rrjetin CBS rreth gjetjeve të reja të Qendrave të Kontrollit dhe Parandalimit të Sëmundjeve zoti Gottleib tha se është e sigurt se trupi i njeriut mund të fitojë imunitet deri në tre muaj pas prekjes nga sëmundja.

Por ai shtoi se gjasat janë që imuniteti të zgjasë nga gjashtë në 12 muaj, duke variuar nga një person tek tjetri, raporton Zëri i Amerikës, përcjell albinfo.ch.

Eksperti kërkoi të bëhet kujdes duke kujtuar se mjekët ende nuk dinë shumë gjëra rreth COVID-19.

Prej shpërthimit të pandemisë në SHBA janë shënuar mbi 170 mijë vdekje ndërsa janë infektuar mbi 5.4 milionë vetë.