Lajme
BAG korrigjon veten: Nuk janë klubet por familja, burimi më i madh i infeksionit
Sipas informacionit të korrigjuar nga BAG, shumica e infeksioneve ndodhin në mjedise familjare (27.2 për qind)
“Shumica e infeksioneve të gjurmueshme ndodhin në klube, bare apo restorante”: Shifrat përkatëse nga Zyra Federale e Shëndetit Publik (BAG) janë publikuar të premten, nga SRF.
Por, të dielën, BAG tashmë kërkon falje për shifrat e gabuare: ato ishin të pasakta dhe “tregonin një radhitje të gabuar të numrit të infeksioneve sipas burimeve të tyre”, transmeton albinfo.ch. Prandaj, sqaron BAG vetëm më pak se katër për qind të rasteve të infeksioneve me koronavirus kanë ardhur nga klubet, baret ose restorantet.
Vendi kryesor i infeksionit u bë, papritmas familja. Mbetet e paqartë se si ka ndodhur ky gabim.
“Gabimet mund të ndodhin”: Me këto fjalë, Lukas Engelberger, President i Konferencës së Drejtorëve të Shëndetit, komenton lidhur shifrat e korrigjuara nga BAG për numrin e infeksioneve me koronavirusit. Këtë deklarim ai e ka bërë në emisionin e radios “Heute Morgen” në SRF.
Sipas informacionit të korrigjuar nga BAG, shumica e infeksioneve ndodhin në mjedise familjare (27.2 për qind), pasuar nga ambientet e punës (8.7 përqind) dhe ndejat private (3 për qind). Klubet e natës përbëjnë një përqindje një shifrore – konkretisht vetëm 1.9 përqind, ndërsa baret dhe restorantet, vetëm 1.6 për qind, transmeton albinfo.ch. Me fjalë të tjera, të gjitha lokalet e përmendura përbëjnë së bashku rreth 3.5% të numrit të infeksioneve.
Por, sipas kritikave që drejtojnë mediat, ky duket të mos jetë gabimi i parë i BAG që nga shpërthimi i pandemisë. Kështu, në maj, BAG kishte raportuar 98 infeksione të reja përmes Twitter. Për shkak se një laborator kishte dhënë numra të pasaktë, vlera u desh të korrigjohej më pas në 58 .
• Në muajin prill BAG është detyruar të korrigjonte statistikat e vdekjeve. Vdekja e supozuar e një vajze (9 vjeçe) kishte bërë jehonë të madhe në media, përcjell albinfo.ch Në fakt, viktima ishte 109 vjeçe. Një tjetër vdekje që kishte ndodhur ishte raportuar si vdekje e një 27 vjeçari ndërsa e vërteta ishte se i vdekur kishte qenë 87 vjeç.
Të ngjashme
Të tjera nga Lajme
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Austria dhe Britania e Madhe me bashkëpunim për deportimin e emigrantëve Austria dhe Britania e Madhe kanë arritur dakordim të punojnë së bashku për të ndryshuar sistemin...
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?