Basketbollistja kosovare do të luajë në SHBA

Basketbollistja kosovare, Agnesa Rrahmani, së shpejti pritet të luajë në Shtetet e Bashkuara të Amerikës.

FBK ka njoftuar se Rrahmani ka nënshkruar kontratë me bursë të plotë me kolegjin “Weatherford” në Amerikë, përcjell albinfo.ch.

“Pas pesë vjetëve karrierë së bashku me Kastriotin dhe Kosovën në shumë kampionate evropiane, mora vendimin të vazhdoj karrierën në Amerikë. Kalimi në SHBA u mundësua nga “New Sports Agency” që të nënshkruaj kontratë me bursë të plotë në një kolegj në Teksas, pra “Weatherford College””, është shprehur Rrahmani për faqen zyrtare të FBK-së.

Po ashtu edhe vetë basketbollistja tha se kjo është një mundësi mjaft e mirë për të.

“Kjo për mua do të jetë një sfidë, por megjithatë mundësi shumë e mirë që të jetë vazhdim i rrugëtimit tim, duke shpresuar që do të jap më të mirën nga vetja”, tha Rrahmani.