Trumpi u rikthehet konferencave për koronavirusin

Keystone EPA/MICHAEL REYNOLDS

Presidenti i Shteteve të Bashkuara të Amerikës, Donald Trump, ka pranuar se SHBA-ja është duke përjetuar një “hov të madh” të rasteve me koronavirus. Sipas të dhënave të Universitetit Johns Hopkins, numri i të infektuarve në SHBA ka arritur në mbi 3.8 milionë, ndërsa i viktimave në gati 141,000.

Trumpi ka bërë me dije se do t’i rikthejë konferencat e përditshme për media të task-forcës së Shtëpisë së Bardhë “për t’i dhënë informacione publikut”, nisur nga dita e martë.

Ai po ashtu duket se ndryshoi qëndrimin ndaj bartjes së maskës, të cilën ka refuzuar ta miratojë si masë. Meqenëse nuk ka ende trajtim efektiv të koronavirusit, maskat shihen si një nga opsionet e pakta në dispozicion, që ndihmojnë në luftimin e përhapjes së virusit.