Italia do të mbyllë kufijtë me Shqipërinë

Keystone

Sipas informacioneve të fundit, thuhet se Italia do të jetë e mbyllur për shqiptarët, të paktën deri në fund të muajit korrik.

Këtë parashikon dekreti i ri dhe pritet të miratohet mbrëmjen e sotme në Parlamentin italian, përcjell albinfo.ch.

Referuar infektimeve të shumta që e kanë përfshirë Ballkanin, Italia pritet të aprovojë masat e reja anti-Covid të vlefshme nga 15 korriku deri më 31 korrik 2020.

Ministri i Shëndetësisë, Roberto Speranza, ka prezantuar dekretin e ri, i cili pritet të aprovohet brenda ditë së sotme në Parlament. Në fjalën e tij në dhomën e deputetëve, Ministri Speranza prezantoi dekretin e ri, i cili parashikon ndalimin e hyrjes në Itali të personave jashtë Zonës së Bashkimit Evropian.

Ata që udhëtojnë për motive pune e shëndeti kanë të detyruar zbatimit e karantinimit për 14 ditë.

Do të ndalohet hyrja në territorin italian të personave që gjatë 14 ditëve te fundit kanë udhëtuar, qoftë edhe tranzit në këto 13 vende:

Armeni, Bahrein, Bangladesh, Brazil, Bosnjë e Hercegovinë, Kili, Kuvajt, Maqedoni e Veriut, Moldavi, Oman, Panama, Peu, Republika Domenikane.

Kjo, pasi janë vende që kanë një përqindje te lartë të infektuarish në raport me popullsinë.

Dekret i ri parashikon të jenë të detyrueshme;

1. maska në vendet e mbyllura
2. protokoll i sigurisë në vendin e punës
3. ndalimi i grumbullimeve
4. masa penale për këdo që shkel urdhrin e karantinimit
5. ndalimi i hyrjes së personave që udhëtojnë pa motive nga vendet jashtë BE-së
6. karantinim për ata qe udhëtojnë me motiv nga vendet jashtë BE-së e jashtë zonës Schengen
7. shtim kontrolli në aeroporte, porte e kufijtë italiane
8. kontrolle e tamponë për emigrantët klandestinë që zbarkojnë në brigjet italiane.