Shefi i Task Forcës Zvicerane: “Numri riprodhues 1.28 është një shenjë alarmi”

"Egger: Tani numri riprodhues është 1.28. Kjo tregon se sa njerëz janë infektuar nga një person i infektuar rishtazi"

Profesori Matthias Egger, i cili është në krye të Task Forcës Federale Shkencore të Zvicrës të ngritur për shkak të pandemisë, shprehet i shqetësuar me rritjen e numrit të infeksioneve të koronës në Zvicër, shkruan sda.ch.

Jo vetëm numri në rritje i rasteve, por edhe numri riprodhues, i cili është një faktor i rëndësishëm në gjendjen aktuale të pandemisë koronare, është sipas tij shkak për shqetësim.

Egger e thotë në mënyrë të thjeshtë e të kuptueshme se çfarë është numri riprodhues: “Tani numri riprodhues është 1.28. Kjo tregon se sa njerëz janë infektuar nga një person i infektuar rishtazi, transmeton albinfo.ch. Dhe tani, me 1.28, ky numër riprodhues  është dukshëm më i lartë se 1”.

Numri riprodhues që kalon mbi 1 është një sinjal alarmi, thotë Egger: “Epidemia po përhapet dhe nuk është në vendnumërim”. Kjo është edhe më shqetësuese sepse numri i personave të infektuar rishtas nuk është paraqitur vetëm sot. Sipas Egger, rritja e tanishme e infeksioneve ka ardhur për shkak të hapave të mëparshëm të zbutjes së masave – hapja e kufijve më 15 qershor, për shembull.

Ashtu sikur ministri Federal , Alain Berset, edhe kreu i Task Force Corona i bën thirrje popullatës që të zbatojë në mënyrë rigoroze rregullat e zbatueshme të higjienës, përcjell albinfo.ch. “Lani duart dhe vendosni maska ​​nëse nuk mund të siguroni mbajtjen e distancës prej 1.5 metrash”.

Për fat të mirë, nga pikëpamja shkencore, ka edhe një lajm qetësues, thotë Egger. Edhe pse testime tani janë duke u bërë ëshumë më tepër se më parë, nuk ka rritje proporcionale të rasteve të konfirmuara pozitive”.

---