Ja përse BAG raporton më pak të vdekur se burimet e tjera

BAG, deri më 16 prill nuk ka regjistruar vdekjet për të cilat nuk kishte konfirmim nga laboratori dhe që kanë ndodhur jashtë spitaleve

Që nga shpërthimi i pandemisë në Zvicër, gjegjësisht nga fillimi i raportimit për infeksionet dhe vdekjet nga covid-19, kishte rënë në sy dhe kishte shkaktuar konfuzion një shpërputhje e shifrave të të vdekurve.

Kështu, ndërkohë që Zyra Federale e Shëndetit Publik (BAG) jepte një shifër më të ulët, agjencia Leystone & SDA fliste për numër dukshëm më të lartë të viktimavetë koronavirusit, shkruan srf.ch.

Me shtimin e numrit absolut të të vdekurve rritej edhe dallimi në shifra, i cili tani është rreth 300 “në fabvor” të burimit të dytë. Kështu, sipas raportimit të sotëm, Keystone-SDA flet për 1937 të vdekur ndërsa BAG për 1677.

Më në fund, BAG shpjegon ndryshimin midis numrave që publikon ai dhe atyre të Keystone-SDA, përcjell albinfo.ch. BAG pra raporton vetëm vdekjet që janë të konfirmuara nga laboratori, i cili ka verifikuar se viktimat kanë qenë të prekura nga Covid 19.

Një tjetër ndryshim mund të jetë se ai se BAG, deri më 16 prill nuk ka regjistruar vdekjet për të cilat nuk kishte konfirmim nga laboratori dhe që kanë ndodhur jashtë spitaleve.

Ndryshe, numri i testeve të kryera për Sars-CoV-2, që është agjenti shkaktar i Covid-19, deri më tani ka arritur në 447.617, transmeton albinfo.ch. Ky numër është afër 6.000 teste më shumë se një ditë më parë. Në 8 për qind të këtyre testeve, rezultati ishte pozitiv.

---