Cédric Wermuth: Një ditë e trishtë për Kosovën dhe gjeneratën e saj të re

Deputeti zviceran ka komentuar zgjedhjen e Avdullah Hotit si kryeministër i ri i Kosovës

Avdullah Hoti të mërkurën është zgjedhur kryeministër i Kosovës, ku mori 61 vota pro në Kuvendin e Kosovës.

Zgjedhja e tij shkaktoi shumë reagime, derisa zëvendësoi Albin Kurtin, i cili u shkarkua me anë të një mocioni në Kuvendin e Kosovës.

Deputeti Zviceran, Cédric Wermuth, gjithashtu zëvendës President i Partisë Socialdemokrate të Zvicrës, ka reaguar për zgjedhjen e Hotit, përcjell albinfo.ch.

“Kjo është një ditë e trishtë për Kosovën dhe gjeneratën e saj të re. Ju lutemi mos humbni shpresën. Historia është në anën tuaj. Ne, njerëzit e Evropës, jemi në anën tuaj. Ne jemi në këtë së bashku”, ka shkruar Wermuth në Twitter.

Avdullah Hoti sot ka nisur punën si kryeministër, duke mbajtur mbledhjen e parë e Qeverisë nën drejtimin e tij.

 

This is a sad day for #Kosovo and its young generation. Please don’t lose hope. History is on your side. We, the people of Europe, are on your side. We are in this together. pic.twitter.com/qCNpyVwAcO

— Cédric Wermuth – Home Office (@cedricwermuth) June 3, 2020

---