Koronavirusi: çast pas çasti
Në shtator hapen kufijtë e Evropës
Kufijtë e Bashkimit Europian do të mbeten të mbyllur deri në muajin shtator dhe një vendim i tillë do të prekë si vendet europiane joanëtare, ashtu dhe ShBA-në e Kinën, që janë si tregjet më të mëdha të aviacionit civil.
Kufijtë e Bashkimit Europian do të mbeten të mbyllur deri në muajin shtator dhe një vendim i tillë do të prekë si vendet europiane joanëtare, ashtu dhe ShBA-në e Kinën, që janë si tregjet më të mëdha të aviacionit civil. Pavarësisht rikthimit të fluturimeve në fund të vitit, në shfrytëzim mund të vihet vetëm 80% e flotës.
Në skenarin më optimist, kufijtë e jashtëm të Bashkimi Europian do të hapen në shtator. Ky bllokim do të prekë si vendet europiane joanëtare të bllokut, ashtu edhe tregjet më të mëdha në botë të aviacionit, SHBA-në dhe Kinën. Parashikohet se sektori i aviacionit civil nuk do të kthehet në normalitet të paktën përpara vitit 2022, duke shënuar një rënie prej 40 deri në 50 për qind.
Shumica e kompanive ajrore kanë kërkuar ndihmën e qeverive për të përballuar kostot në këtë kohë krize të paprecedentë globale.
Një prej kompanive më të mëdha ajrore të Europës, Air France-KLM, humbi vetëm pas dy javësh bllokimi 815 milionë euro, ndërsa kreu ekzekutiv Ben Smith, parashikon se rimëkëmbja do të kërkojë të paktën disa vjet.
“Nuk presim që të rikthehemi në nivelet e vitit 2019 të paktën deri në 2022-ën”, thotë ai.
Deri tani Air France-KLM ka marrë deri tani 7 miliardë euro nga qeveritë e Francës dhe Holandës dhe pret edhe dy deri në katër miliardë euro të tjera, ndërsa synon të reduktojë humbjet duke kursyer deri në 350 milionë euro në muaj.
Grupi parashikon humbje të konsiderueshme në periudhën prill – qershor, pasi 95 për qind e flotës ajrore do të mbetet në tokë, ndërsa në tremujorin e tretë pritet të shfrytëzohet rreth 80 për qind e kapacitetit të flotës pasi udhëtimet do të rifillojnë gradualisht.
Që nga 11 maji do të hyjë në fuqi rregulli i vendosjes së detyruar të maskës për pasagjerët, ndonëse që tani një pjesë e personelit e zbaton këtë. Ndërsa që tani ka filluar edhe pastrimi dhe dezinfektimi periodik për të garantuar sigurinë e pasagjerëve.
Shqetësimi kryesor për industrinë e aviacionit civil është bllokimi i vazhdueshëm i fluturimeve në Shtetet e Bashkuara që përbën dhe tregun kryesor për kompanitë europiane.
Të ngjashme
Të tjera nga Koronavirusi: çast pas çasti
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?