Në Shqipëri 67% e të infektuarve nga koronavirusi janë shëruar

Shqipëria vazhdon me trendin e ulët të numrit të infeksioneve nga pandemia e koronavirusit,  po ashtu numri i të shëruarve nga ky virus është i lartë, ai arrin në 67%.

Ministria e Shëndetësisë, në një konferencë për media, bëri të ditur se në 24 orët e fundit janë regjistruar 6 raste të reja, ndërsa bëhet e ditur se Kruja është zona me numrin më të lartë të rasteve aktive në vend.

Nga 6 rastet e reja, 5 janë në Krujë dhe një në Tiranë, duke e çuar numrin e të prekurve në 795.

Nga data 4 maj, masat e izolimit në Shqipëri do të fillojnë në lehtësohen, mirëpo autoritetet u kanë bërë thirrje qytetarëve të respektojnë rregulin e distancimit fizik për të parandaluar përhapjen e koronavirusit të ri, përcjell Albinfo.ch.