A mund të largohet virusi me ardhjen e verës

Walter Ricciardi, përfaqësuesi i Italisë në Organizatën Botërore të Shëndetësisë, foli mbi këtë temë

Shumë ekspertë kanë qëndrime të ndryshme për sa i përket rritjes së temperaturave dhe stinës së verës dhe si kjo do ndikojë tek Covid-19.

Walter Ricciardi, përfaqësuesi i Italisë në Organizatën Botërore të Shëndetësisë, foli mbi këtë temë.

“Një studim i paraqitur më 24 prill nga nënsekretari amerikan i Sigurisë së Brendshme në Shtëpinë e Bardhë do të tregonte se virusi luftohet nga nxehtësia e lagështia.

Në ambiente të mbyllura, me lagështi, temperatura 24 ° mund të rezistojë në një sipërfaqe për 18 orë, me 35 ° dhe një lagështi prej 80% nuk e kalon një orë. Dhe nëse jeni në diell, 24 ° dhe niveli i njëjtë i lagështisë janë të mjaftueshme ai do të zhduket në dy minuta”, kështu tha Ricciardi në një intervistë për “La Stampa”, shkruan “Il Messaggero”, përcjell albinfo.ch.

“Atëherë do të shohim në qershor se çfarë do të ndodhë me virusin në nxehtësinë e lagësht”, shtoi tutje ai.

Valter Ricardi u shpreh se virusi do të qarkullojë dhe duhet të vazhdojmë të respektojmë rregullat higjienike dhe distancimin social, transmeton TCH.

Për sa i përket përdorimit të maskave, përfaqësuesi i Italisë në Organizatën Botërore të Shëndetësisë u shpreh se është e pashmangshme nëse hymë në një ambient të mbyllur dhe aty ku nuk mund të ruhet distancimi i sigurisë. Ndërsa në rrugë ose gjatë shëtitjes nuk duhet, por mirë është ta kemi gjithnjë me vete.

---