Reagon Koreja e Veriut, pas lajmeve se Kim Jong Un ka vdekur

Në kohën kur po qarkullojnë lajme për vdekjen e udhëheqësit suprem të vendit, Koreja e Veriut ka publikuar një letër, e cila thuhet se i është dërguar presidentit të Afrikës së Jugut nga Kim Jong Un.

Të hënën, më 27 prill, në letër urohet presidenti Cyril Ramaphosa në Ditën e Lirisë së Afrikës së Jugut që shënon fundin e aparteidit.

Mediat ndërkombëtare raportuan se ai i është nënshtruar një procedure kardiovaskulare që çuan në njoftimet se ai është në rrezik për jetën ose edhe ka vdekur.

Sot u tha se Kim mund të jetë lënduar gjatë testimit të një rakete.

Mediat në Korenë e Jugut kanë raportuar se Kim i është nënshtruar një operimi kardiovaskular më 12 prill në një spital jashtë Pyonguang, kryeqytet i Koresë së Veriut dhe se gjendja e tij po përmirësohej.

Tre zyrtarë qeveritarë me njohuri të situatës i thanë Washington Postit se dy qeveritë, amerikane dhe jug-koreane, janë skeptike sa u përket raporteve se Kim është i vdekur ose në gjendje të rëndë.

Kim nuk është parë në publik që nga 11 prilli.

---