Gjermani: Karantina për të moshuarit mund të zgjasë deri në dhjetor

Të moshuarit mund të duhet të mbahen të izoluar deri në fund të vitit për t'i mbrojtur ata nga koronavirusi, tha shefja e BE-së, Ursula von der Leyen, të dielën.

“Pa një vaksinë, ne duhet të kufizojmë sa më shumë kontaktet e mundshme me të moshuarit,” i tha ajo të përditshmes gjermane Bild.

“Unë e di se është e vështirë dhe izolimi është një barrë, por është çështje e jetës ose e vdekjes, ne duhet të mbetemi të disiplinuar dhe të durueshëm,” shtoi ajo.

“Fëmijët dhe të rinjtë do të gëzojnë më shumë liri të lëvizjes më herët se të moshuarit dhe ata me kushte mjekësore para-ekzistuese,” tha ajo.

Ajo tha se shpreson që një laborator evropian të zhvillojë një vaksinë deri në fund të vitit.

Për të siguruar që njerëzit mund të vaksinohen shpejt, autoritetet tashmë janë në bisedime me prodhuesit për t’u përgatitur për prodhimin botëror, shtoi ajo, përcjell albinfo.ch

---