Remdesivir, ilaçi shpresëdhënës për koronavirus

Testimi është ndërmarrë nga kompania farmaceutike “Gilead”

Rezultatet e testit të parë mbi një kurë të mundshme ndaj Covid-19 janë publikuar në revistën mjekësore “New England”.

Bëhet fjalë për një prej medikamenteve të përmendura deri më tani si efektive në trajtimin e sëmundjes, Remdesivir, eksperimentuar edhe më parë për të trajtuar Ebolën, por në këtë rast e cilësuar si jo efektive.

Testimi i ilaçit për të kuruar Covid-19 është kryer mbi 53 pacientë në gjendje të rëndë në Shtetet e Bashkuara, Evropë dhe Kanada, të cilët ishin në respirator.

Të gjithë pacientët morrën doza ditore të Remdesivir për një periudhë 10 ditore, transmeton Scan.

Pas 18 ditësh, të dhënat tregojnë se, 68% e pacientëve u përmirësuan,  me 17 prej 30 ndër pacientët në ventilim mekanik, në gjendje për t`u shkëputur nga makineria, përcjell albinfo.ch.

Gjysma e pacientëve dolën nga spitali ndërsa 13% e tyre, fatkeqësisht humbën jetën.

---