Tri raste të reja, 135 numri i të prekurve me koronavirus në Kosovë

3 raste të tjera me koronavirus në Kosovë

Së fundmi, Instituti Kombëtar i Shëndetësisë Publike të Kosovës nëpërmjet një komunikate ka njoftuar edhe për tri raste të reja me koronavirus, të lëshuara gjatë orëve të para të ditës së shtunë.

Nga 138 mostra të realizuara, siç bëhet e ditur në komunikatë, tre prej tyre kanë rezultuar pozitiv me COVID-19.

“Sot, më 04.04.2020 (01:30 pas mesnate), në Laboratorin e Mikrobiologjisë Molekulare në IKSHPK me metodën RT-PCR (testimi 2), janë testuar 138 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2, tre (3) prej tyre kanë rezultuar pozitivë”, thuhet në komunikatë.

IKSHPK bën të ditur se tri rastet janë nga komuna e Mitrovicës së Veriut.

Deri më tani, ka pasur gjithsej 135 raste të diagnostikuara me virusin pandemik në Kosovë, ku një nga ta e ka pësuar me vdekje.

Në rezultatet e testimeve të para gjatë ditës së djeshme 6 kanë rezultuar pozitivë, ndërsa janë raportuar edhe 6 të shëruar.

Instituti Kombëtar bën thirrje që të qëndroni në shtëpi dhe të respektoni distancën sociale në rast daljeje!

---