Rama: Të hënën nis riatdhesimi i shqiptarëve të mbetur jashtë

Në një video-mesazh në “Facebook”, Rama tha se qytetarët nuk do të paguajnë për riatdhesimet.

Kryeministri Edi Rama ka deklaruar se të hënën do të nisin fluturimet për të kthyer në Shqipëri të gjithë shqiptarët që kanë mbetur jashtë vendit.

Në një video-mesazh në “Facebook”, Rama tha se qytetarët nuk do të paguajnë për riatdhesimet.

“Unë po bëhem copash, po bëhemi 14 copash të gjithë për të mos lënë as edhe një të vetëm. Shumë vetë duan të vijnë dhe kanë vendosur të paguajnë edhe udhëtimin, i falënderoj për këtë. Nuk do të lë gurë pa luajtur për t’u ardhur në ndihmë të gjithëve. Por, dreqi e mori, futeni mirë në kokë që jemi në luftë dhe secili duhet të shtrëngohet. Do të nisim të hënën fluturimet për t’i sjellë në atdhe, nesër do të publikojmë kalendarin e misionit të riatdhesimit dhe pikat përkatëse. Këto misione do t’i kryejmë pa pagesë nga ana e individëve, dhe unë besoj se i takon “Lasgushit” t’i sjellë njerëzit tanë në shtëpi”.

Ai sqaroi se ministrja e Infrastrukturës, Belinda Balluku, po punon për të marrë lejet e nevojshme.

---