Koronavirusi: çast pas çasti

Edhe dy raste me koronavirus në Kosovë, numri shkon në 30

E shtunë, 21 Mars 2020 - 23:10 albinfo.ch

Ka shkuar në 30 numri i të infektuarve me koronavirus në Kosovë.

Edhe dy raste pozitive u konfirmuan sonte.

Dy rastet pozitive të sotme janë raste me vendbanim nga Gjilani, njeri i gjinisë mashkullore me moshë 20-vjeçar dhe tjetra e gjinisë femërore e moshës 36-vjeçare.

Lexoni të plotë komunikatën nga IKSHPK:

Sot, më 21.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 104 mostra të dyshimta për virusin SARS-CoV-2 dhe gjashtë prej tyre janë pozitive (katër raste në testimin e parë dhe dy raste në testimin e dytë).

Dy rastet pozitive janë me vendbanim nga Gjilani, njeri i gjinisë mashkullore me moshë 20 vjeç dhe tjetra e gjinisë femërore e moshës 36 vjeçe.

Nga data 08.02.2020 deri më 21.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 521 mostra të dyshimta në virusin SARS-CoV-2 dhe prej tyre, gjithsej tridhjetë raste kanë rezultuar pozitive.

Në nivel global, nga data 31 dhjetor 2019 deri më 21 mars 2020 sipas Worldometers, janë raportuar gjithsej 298.305 raste të COVID-19 me 94.624 të shëruar dhe 12.836 raste të vdekjes. Numri më madhi rasteve raportohet nga Kina (81.008), Italia (53.578), Spanjë (25.374), SHBA (22.738), Gjermani (21.854), Irani (20.610), Francë (12.612), Zvicër (6.373), Mbretëri të Bashkuar (4.094), Holandë (3.631), Austria (2.847), Belgjikë (2.815), Turqi (670), Greqi (530), Slloveni (383), Kroaci (206), Serbi (171), Maqedoni e veriut (85) dhe Shqipëri (76).

Deri më 21 mars 2020, nga vendet e BE/AEE dhe Mbretëri të bashkuar janë raportuar këto raste të vdekjes: Itali (4.825), Spanjë (1.378), Francë (450), Mbretëri të Bashkuar (233), Holandë (136), Gjermani (77), Belgjikë (67), Greqi (13), Danimarkë (13), Turqi (9), Austri (8), Luksemburg (8), Poloni (5), Hungari (4), Bullgari (3), Shqipëri (2), Serbi (1), Kroaci (1) dhe Slloveni (1).

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetizolim dhe të kërkojnë ndihmë mjekësore nëse kanë simptome.

QËNDRONI NË SHTËPI, KJO JUA SHPËTON JETËN!

MBANI DISTANCË SOCIALE PËR 2 METRA!

NA NDIHMONI PAK QË T’ JU NDIHMOJMË SHUMË!