Qytetarët do të rimbursohen 100% nga anulimi i fluturimeve drej Italisë

Të gjithë qytetarët që kanë blerë një biletë në drejtim të Italisë, do të kenë të drejtën të marrin një biletë të re të mëvonshme nga ana e kompanisë ose të kërkojnë rimbursim me çmim të plotë të biletës.

Është bërë e ditur se të gjithë qytetarët që kanë blerë një biletë në drejtim të Italisë, do të kenë të drejtën të marrin një biletë të re të mëvonshme nga ana e kompanisë ose të kërkojnë  rimbursim me çmim të plotë të biletës. Autoriteti i Aviacionit Civil ka njoftuar të gjithë qytetarët, të cilët janë prekur nga anulimi i fluturimeve në kuadër të masave parandaluese kundër COVID-19, do të mund t’i drejtohen kompanisë me kërkesë të shtyrjes së fluturimit për në një moment të dytë ose të kërkojnë dëmshpërblim, përcjell albinfo.ch.

Duhet theksuar se për të përfituar të drejtën e tyre, në një nga mënyrat e detajuara më sipër, pasagjerët duhet të vendosin kontakt me kompaninë ajrore me email ose telefon. Ndërkohë, në rast se kompania nuk u përgjigjet pasagjerëve, ata kanë të drejtë t’i drejtohen Autoritetit të Aviacionit Civil, në cilësinë e autoritetit kompetent për zbatimin e udhëzimit të të drejtave të pasagjerëve.

 

AAC, pas marrjes së njoftimit eventual (reklamimit të problematikës me një nga kompanitë) nga pasagjeri, menjëherë do të marrë masa të nevojshme për të siguruar respektimin e të drejtave të tyre dhe do të mbajë çdo pasagjer të informuar për statusin e çështjes së tyre. Adresa ku duhet të kontaktohet me autoritetin është [email protected]. Përfitojmë nga ky komunikim për t’u bërë edhe një herë thirrje të gjithë qytetarëve të zbatojnë këshillat parandaluese të dhëna nga autoritetet shëndetësore  për parandalimin e përhapjes së COVID-19″, njofton Autoriteti i Aviacionit Civil. /Albinfo.ch

 

---