Lajme
Avokatja e suksesshme shqiptare flet në Parlamentin britanik
Ajo tregoi për përvojën si avokate, si drejtuese e Shoqatës së Avokatëve Shqiptaro-Britanikë dhe si përfaqësuese për Britaninë e Madhe në Këshillin Koordinues të Diasporës.
Avokatja shqiptare në Britaninë e Madhe, Brikena Muharremi, mori pjesë në veprimtarinë e zhvilluar në Parlamentin britanik në Londër me rastin e Ditës Ndërkombëtare të Gruas, shkruan albinfo.ch.
Në fjalën e saj ajo tregoi për përvojën si avokate, si drejtuese e Shoqatës së Avokatëve Shqiptaro-Britanikë dhe si përfaqësuese për Britaninë e Madhe në Këshillin Koordinues të Diasporës.
“Ishte kënaqësi që isha e ftuar dje të flas në Parlamentin britanik në Londër me rastin e shënimit të Ditës Ndërkombëtare të Gruas në takimin e organizuar nga organizata Kosovar Albanian Youth Against Violence (KAYAV) dhe mbështetur nga Martin Vickers, deputet britanik dhe drejtues i Grupit Parlamentar për Kosovën. Ky takim kishte si fokus temën e barazisë gjinore si dhe dhunës ndaj gruas duke përkujtuar edhe gratë e dhunuara gjatë luftës në Kosovë. Gjatë prezantimit tim ndava me të pranishmit përvojën time si avokate, si drejtuese e Shoqatës së Avokatëve Shqiptaro-Britanik dhe si përfaqësuese për Britani të Madhe në Këshillin Koordinues të Diasporës”, u shpreh Muharremi.
Takimi kishte në qendër të diskutimeve temën e barazisë gjinore dhe dhunën ndaj gruas, duke përkujtuar edhe gratë, viktima të dhunës gjatë luftës në Kosovë.
“Ndër tjera u shpreha se arritja e barazisë gjinore në shoqëri dhe mbrojtja e të drejtave të viktimave të krimit është obligim yni si qytetarë dhe si profesionistë. Në takim gjithashtu foli edhe Julie Ward, ish-deputete britanike në Parlamentin Evropian dhe artistja Alketa Xhafa Mripa prezantoi dokumentarin e saj ‘Mendoj për ty’. Takimi u moderua nga gazetarja Kristalé Ivezaj Rama dhe kishte pjesëmarrës deputetë, profesionistë nga fusha të ndryshme dhe përfaqësues të organizatave të ndryshme”, u shpreh ajo.
Brikena Muharremi është e para avokate shqiptare e licencuar në Britaninë e Madhe.
U largua nga Kosova kur ishte 16 vjeç, për të studiuar në shkollat e Britanisë, e tashmë prej 23 vjetësh është vendosur në Londër, ku po pasuron karrierën e saj prej avokateje.
Çelësi i suksesit për Brikenën janë: vizioni i qartë, puna serioze, mosdorëzimi dhe besimi në vetvete. /Albinfo.ch
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri