Rikthehet treni Shkup-Prishtinë

Nga data 9 mars (e hënë) rikthehet në qarkullim treni i udhëtarëve në relacionin Shkup-Prishtinë dhe anasjelltas.

Kujtojmë se treni që bart udhëtarët nga kryeqendra e Maqedonisë së Veriut në kryeqytetin e Kosovës u përball me një ndërprerje të qarkullimit nga shkaku i disa problemeve të natyrës teknike, dhe tashmë me tejkalimin e tyre, ai sërish vihet në funksion.

Orari i trenave mbetet i njëjtë si më parë. Nisja nga Shkupi do të jetë në orën 16:10, ndërsa treni pritet të mbërrijë në Prishtinë në ora 19:10.

Për sa i përket relacionit Prishtinë –Shkup, nisja do të bëhet në ora 07:10, ndërsa treni pritet të mbërrijë në Shkup në orën 09:52. Rivendosja në itinerar të trenit në fjalë, pritet të shtojë dukshëm lëvizjet е udhëtarëve, aq më shumë kur kemi parasysh nevojat e përditshmërisë që kanë qytetarët, si dhe lidhjet farefisnore të njerëzve në të dyja anët e kufirit. Ky njoftim u bë i ditur nga Hekurudhat e Republikës së Maqedonisë së Veriut Transport AD-Shkup.