Të tjera

Në Malmo të Suedisë u shënua 12-vjetori i pavarësisë

Shqiptarët nga Suedia festuan pavarësinë e Kosovës

E mërkurë, 26 Shkurt 2020 - 8:50 albinfo.ch

Organizuar nga Ministria e Punëve të Jashtme dhe e Diasporës, në bashkëpunim me lidhjen e shoqatave shqiptare “ILIRIA”, në Malmo të Suedisë u shënua 12-vjetori i Pavarësisë së Kosovës. Manifestimi filloi me himnin shtetëror të Kosovës dhe himnin kombëtar.

Me nga një fjalë rasti, të pranishmit i përshëndetën prof.dr. Muhamet Shatri, zyrtar ndërlidhës me shoqata në Qendrën Kulturore të Kosovës në Malmo, zonja Hillevi Larsson, deputete e Parlamentit suedez, Fatmir Rrahmanaj, sekretar i Ambasadës së Republikës së Kosovës në Stokholm, dhe të tjerë.

Ata uruan 12-vjetorin e Pavarësisë së Kosovës, duke theksuar domosdoshmërinë e aktiviteteve të tilla për të mbajtur gjallë gjuhën dhe kulturën shqiptare.

Pjesën artistike e kulturore të manifestimit e pasuruan me performancat e tyre rapsodët Dervish Kuqi e Sherif Morina. Ky eveniment u përcoll nga një numër i madh i bashkatdhetarëve.

Fotografia e Ministria e Diasporës dhe Investimeve Strategjike