Lajme
Zbulohet letra prekëse e Kobe Bryant
Pak ditë më parë bota e sportit u shokua me vdekjen e ish-basketbollistit të Lakers, Kobe Bryant.
Bryant vdiq në një aksident me helikopter, në të ishte edhe vajza e tij dhe shtatë persona të tjerë, ku që të gjithë ndërruan jetë.
Në vitin 2016, Kobe kishte shkruar një letër prekëse duke iu drejtuar vetes si 17-vjeçar.
“I dashuri unë 17-vjeçar, kur ëndrra jote për të luajtur për Lakers të bëhet realitet nesër, ti duhet ta gjesh një mënyrë se si të investosh në të ardhmen e familjes dhe shoqërisë tënde. Kjo tingëllon e thjeshtë dhe ti mund të mendosh se do të jetë e lehtë, por merr pak kohë ta mendosh pak më thellë. Unë thashë INVESTO. Nuk thashë JEP. Më lejo të ta sqaroj. Thjesht t’iu japësh të afërmve të tu gjëra materiale mund të duket vendimi i duhur. Ti i do ata dhe ata kanë qenë gjithmonë aty për ty, kështu që është e drejtë që ta ndani bashkë suksesin tënd dhe gjithçka që vjen nga ai. Kështu që blijua një veturë, një shtëpi të madhe, paguaja të gjitha faturat. Ti dëshiron që ata të jetojnë bukur dhe rehatshëm, apo jo?”.
“Por, do të vijë dita kur ti e kupton se sado që ke besuar se po e bëje gjënë e duhur, ti po i mbaje ata prapa”.
“Ti do ta kuptosh se po kujdeseshe për ta sepse të bënte TY të ndiheshe mirë, të bënte TY të lumtur t’i shihje ata të lumtur dhe pa asnjë hall në botë – dhe kjo është jashtëzakonisht vetjake nga ti. Përderisa ti ndiheshe i kënaqur me veten, ti vetëm po ua gëlltitje ngadalë ëndrrat dhe ambiciet atyre. Ti shtoje gjëra materiale në jetën e tyre, por ua vidhje dhuratën më të shtrenjtë nga të gjitha: pavarësinë dhe rritjen”.
“Kuptoje se ti do të bëhesh lideri i familjes dhe kjo do të thotë se do të marrësh edhe vendime të vështira, edhe nëse të afërmit e tu nuk i kuptojnë ato menjëherë. Investo në të ardhmen e tyre, mos jep”.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj