Tematike
Rasti me “therrësit kosovarë”, shembull i zbatimit të normës kundër racizmit
Në vitin 2017, Gjykata Supreme Federale, si shkalla më e lartë e gjyqësisë në Zvicër, pati aprovuar aktgjykimin në lidhje me tekstin e një pllakati të SVP-së me frazën "kosovarët therin zviceranët"
Në cilat raste është zbatuar dhe në cilat jo, norma ndëshkuese kundër racizmit? Ndër shembujt kur kjo normë është zbatuar deri në fund, raporti i Komisionit Federal kundër Racizmit (EKR) përmend që në krye pllakatin e njohur famëkeq nga viti 2011 me tekstin “Kosovarët therin zviceranët”, shkruan albinfo.ch. Për këtë shpallje, dy kuadro të lartë të SVP qenë dënuar për shkelje të normës ndëshkuese antiracizëm.
Komisioni Federal kundër Racizmit (EKR) ka shënime për 910 raste që lidhen me normën ndëshkuese kundër racizmit, për periudhën nga viti 1995 deri në 2018. Ndërkaq, dënime janë shqiptuar për 62 për qind të rasteve të identifikuara si shkelje të normës në fjalë.
Në vitin 2017, Gjykata Supreme Federale, si shkalla më e lartë e gjyqësisë në Zvicër, pati aprovuar aktgjykimin në lidhje me tekstin e një pllakati të SVP-së me frazën “kosovarët therin zviceranët”, transmeton albinfo.ch njoftimin nga raporti në fjalë. Gjykata e përmendur ishte e mendimit që mesazhi në këtë pllakat ose afishe ishte një gjykim i padrejtë, paushall, i cili njerëzit me shtetësi kosovare i portretizonte si njerëz mbi mesataren kriminelë. Në lidhje me gjykimin qe diskutuar me të madhe rreth asaj nëse me këtë rast ishte marrë në konsideratë të mjaftueshme liria e shprehjes ose jo.
Megjithatë, sipas raportit të EKR, shumica e rasteve në këtë kontekst nuk janë raste “kufitare” ose në “zonën gri”. Kjo gjë shpesh harrohet në publik, përcjell albinfo.ch. Për agjencitë e zbatimit të ligjit, për shembull, ka qenë e qartë se shprehja në Facebook e një personi në lidhje me azilkërkuesit myslimanë se “i vjen keq që nuk është Hitleri, që t`i dërgonte në dhomën e gazit”, është në mënyrë të qartë, raciste. Deklaratat si kjo nuk përmbajnë asgjë që ia vlen të mbrohet dhe ata që i bëjnë këto deklarime nuk kanë çfarë të kërkojnë në ligjërimin politik, shkruan avokatja Vera Leimgruber në botimin e përmendur të EKR-së.
Nga ana tjetër, përdorimi i fjalës “negro” për deputetin nacional të SVP-së nga Berna Erich Hess nuk pati pasoja, transmeton albinfo.ch. Një bodigard i një diskoteke gjithashtu mbeti i pandëshkuar. Ai kishte refuzuar të lejojë dy të rinj shqiptarë kosovarë të hyjnë në një disko në Egerkingen, Solothurn, me arsyetimin se ata të dy ishin nga Ballkani.
Të ngjashme
Të tjera nga Tematike
E-Diaspora
-
LAPSH e Cyrihut përshëndet përpjekjet për institucionalizimin e mësimit shqip në diasporë "Falënderojmë institucionet tona për marrjen e iniciativës për koordinimin dhe institucionalizimin e mësimit në gjuhën shqipe...
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?