Rekord i Volkswagen-it: 11 milionë makina të prodhuara në vitin 2019

Sipas një njoftimi të bërë nga ky prodhues, grupi VW në vitin 2019 ka dorëzuar në rrjetin e shitjes 10.97 milion automjete

Koncerni i madh gjerman i industrisë automobilistike, Volkswagen, ka shitur në vitin 2019 më shumë vetura se sa në vitin paraprak, 2018. Sipas një njoftimi të bërë nga ky prodhues, grupi VW në vitin 2019 ka dorëzuar në rrjetin e shitjes 10.97 milion automjete, shkruan srf.ch.

Kjo është një rritje prej 1.3 për qind në krahasim me një vit më parë, shkruan në njoftim prodhuesi më i madh në botë i makinave.

Në vjeshtë, VW ende kishte pritur që numri i automjeteve të reja do të ngecte në vitin 2019, transmeton albinfo.ch. Në disa rajone të botës, kërkesa për vetura të reja kohët e fundit është dobësuar.

Një risi në vitin e ri, 2020 është fillimi i prodhimit të makinës elektrike “të pastër” ID.3. Në vitin 2019, interesi i klientëve për automjete të elektrizuara nga grupi është rritur për rreth 80 për qind duke arritur në mbi 140,000 njësi.

---