Bota
Ministrja boshnjake e Austrisë, në fokus të postimeve urrejtëse në internet
Zadic është jo vetëm ministrja e parë me prejardhje boshnjake, por edhe e para me prejardhje të huaj dhe më e reja në moshë nga femrat në qeveri
Vetëm pak ditë më parë, pozitën e ministres në Qeverinë e Austrisë e ka marrë politikania e gjelbër me prejardhje nga Bosnja, Alma Zadic. Ajo është bërë ministre e Drejtësisë në kabinetin qeveritar të udhëhequr nga kryeministri Sebastuan Kurz, i partisë ÖVP.
Zadic është jo vetëm ministrja e parë me prejardhje boshnjake, por edhe e para me prejardhje të huaj dhe më e reja në moshë nga femrat në qeveri (35 vjeçe, ndërsa vetë kryeministri Kurz është 33-vjeçar).
Që nga publikimi i marrjes së postit, Zadic është përballur me një fushatë të pakrahasueshme me njollosje dhe etiketime. Ajo tashmë është vënë nën mbrojtjen e policisë, shkruan heute.at.
Qeveria e re planifikon të forcojë, gjegjësisht të mbështesë prokurorinë publike në luftën kundër postimeve në internet të urrejtjes.
Zadic, e cila i është ekspozuar një fushate të urrejtjes në internet për shkak të origjinës së saj boshnjake, u tregua e ashpër të shtunën në një emision debati në televizionin austriak, transmeton albinfo..ch. “Askush në Austri nuk guxon t`i ekspozohet një agjitacioni të tillë. Nuk është e lehtë të merresh me këtë,” thotë Zadic.
Zadic, ka qenë në shënjestër të një “stuhie” seksiste dhe raciste në rrjetet sociale për një kohë të gjatë për shkak të origjinës së saj boshnjake dhe besimit të saj të pretenduar mysliman (ndonëse ajo është deklaruar si person pa religjion).
Kohët e fundit, FPÖ dhe ekstremistët e djathtë si kanë spekuluar lidhur me gjoja “kontakte të dyshuara salafiste” për ministren aktuale dhe lidhur me një dënim të supozuar të saj. Tani ajo do të ketë mbrojtjen e policisë.
“Unë jam ballafaquar me mesazhe urrejtjeje dhe sulmet “nën brez” që kur kam hyrë në politikë. Por tani kjo ka shpërthyer me të vërtetë, përcjell albinfo.ch. Dhe unë nuk jam e vetmja që jam prekur nga kjo. Vetëm se tani jam më shumë në fokus, sepse jam ministre e Drejtësisë. Shumë njerëz, veçanërisht gra, janë të prekur nga kjo urrejtje. Ndërkaq, për ata që janë të diskriminuar për shkak të ngjyrës së tyre të lëkurës ose fesë, ky fenomen është tashmë i zakonshëm. Ne duhet të bëjmë diçka për këtë. Kemi shumë pika lidhur me këtë, në programin tonë qeveritar”, ka thënë Zadic, duke paralajmëruar masa “molë” kundër kësaj dukurie.
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri