Lajme
Itali: Banesa u përshi nga zjarri, vajza kosovare 7 vjeçe humb jetën
Kishin shkuar për të jetuar atje vetëm para 4 muajve
Është bërë e ditur nga mediat italiane se një ngjarje tragjike ka ndodhur në një familje shqiptare në Itali, ku një vajzë 7-vjeçare humbi jetën, pasi banesa u përshi nga zjarri.
Thuhet se ngjarja ka ndodhur në orët e hershme të mëngjesit të datës 8 janar, rreth orës 2:50 në Servigliano (Fermo).
Nëna e viktimës pasi u zgjua nga era e tymit nxori me shpejtësi jashtë vajzën më të vogël, por pa mundur të kthehej për të marrë tjetrën pasi flakët përparuan me shpejtësi.
Ndërkohë babai mbërriti kur tragjedia kishte ndodhur tashmë.
Po ashtu, familja me origjinë nga Kosova, ishte transferuar në Servigliano në shtator të vitit 2019.
Në shtëpi vajza jetonte me motrën e saj më të vogël të lindur në vitin 2015, babanë e saj, një punëtor 40 vjeç në një kompani ndërtimi dhe nënën e saj, një shtëpiake pak më e re se burri i saj.
Sipas informacioneve, drama u zhvillua brenda pak çastesh. Mamaja, e zgjuar nga era e fortë e tymit, mori njërën nga dy vajzat dhe e shpëtoi atë duke e nxjerrë jashtë.
Ajo pastaj u përpoq të kthehej në shtëpi për të marrë një tjetër, por flakët bllokuan kalimin e saj.
“Ne po flinim së bashku në të njëjtën shtrat – ka qenë dëshmia e gruas, e cila kujton në tronditje momentin. “Dhe, pasi vajza më e vogël u shpëtua, unë u ktheva për të marrë vajzën tjetër. Kishte shumë tym, nuk më linte të merrja frymë dhe nxehtësia më dogji lëkurën. Pastaj, për fat të mirë, policia erdhi e para, pastaj zjarrfikëset, të cilët arritën ta nxjerrin fëmijën tim jashtë”, shkruajnë mediat shqiptare.
Fatkeqësisht kur shkoi në spital, nuk kishte asgjë për të bërë që të shpëtonte edhe vajza e vogël, por nëna do ta mësojë këtë shumë më vonë.
Familja – babai kosovar, nëna bullgare, të dy 38 vjeç, me fëmijët e vegjël të lindur në Sant’Omero në provincën e Teramos dhe të rritur në Itali – ishin transferuar në Servigliano disa muaj më parë. Nuk është e qartë pse në orën 2.50, kur shpërtheu zjarri, babai shqiptar i dy fëmijëve nuk ishte në shtëpi, përcjell albinfo.ch.
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi