Irani goditi ‘gabimisht’ aeroplanin ukrainas, ku mbetën të vdekur 176 njerëz

Irani gabimisht goditi aeroplanin ukrainas që u rrëzua të mërkurën pranë Teheranit me 176 persona në bord, raportojnë mediet amerikane.

Zyrtarët amerikanë thonë se ata besojnë se Boeing 737-800 “Ukrainian Airlines International” u godit nga një raketë.

Ukraina më herët tha se po shqyrtonte nëse një sulm raketash rrëzoi aeroplanin – por Irani e përjashtoi këtë përcjell albinfo.ch.

CBS News, duke cituar inteligjencën amerikane, tha se një satelit zbuloi “goditje” infra të kuqe të dy lëshimeve të raketave, të ndjekura nga një tjetër goditje e një shpërthimi.

Ndërkohë, Newsweek citoi Pentagonin dhe një zyrtar të lartë të inteligjencës amerikane, si dhe një zyrtar të inteligjencës irakene duke thënë se ata besonin se avioni ukrainas u godit nga një raketë Tor e prodhuar nga Rusia.

Presidenti amerikan, Donald Trump, të enjten tha se “kam dyshimet e mia” mbi aeroplanin. “Dikush mund të ketë bërë një gabim”, tha ai.

---