Felix Cornelius, përfaqësues i kompanisë, tha se pjesë e këtij bashkëpunimi u bënë 7 vende të ndryshme të botës, të cilët gjetën mënyrën për ta bërë projektin të suksesshëm.

“Miqësia, besimi, bashkëpunimi ndërkombëtar dhe ndërmarrësia janë pjesë esenciale për mua. Gjetëm mënyrën për suksesin e këtij projekti. Tani në këtë projekt janë pjesë vendet e ndryshme, si Kosova, Gjermania, Austria, Sllovenia, Izraeli e SHBA-ja në bashkëpunim ndërkombëtar”, ka thënë Cornelius.

Ambasadori gjerman në Kosovë, Christian Heldt, tha se ky projekt është sinjali që mund të dëshmojë se gjërat funksionojnë në Kosovë.

“Ky është sinjali më me vend në kohën e duhur dhe të dëshmohet se gjërat mund të funksionojnë dhe të bëhen në Kosovë. Kemi të bëjmë me një përpjekje familjare. Me këtë të arritur, duhet të theksohet se kemi të bëjmë me investimin e parë sipas legjislacionit të ri”, ka thënë Heldt.

Se ky projekt do të ketë sukses, u shpreh i bindur edhe kryetari Komunës së Mitrovicës, Agim Bahtiri.

Derisa drejtori i KOSTT-it, Ilir Shala, theksoi se ky investim do të bëjë që Kosova të jetë sa më afër BE-së, shkruan reporteri, përcjell albinfo.ch.