Mjeku shqiptar nga diaspora: Do të qëndrojmë këtu deri në kalimin e kësaj situate

Ka mbërritur në Lezhë një ekip mjekësh nga Italia, në shërbim të banorëve të prekur nga tërmeti

Është bërë e ditur se një ekip mjekësh italianë, pjesë e të cilit është edhe mjeku shqiptar, Vat Marashi, që punon dhe jeton në Firence të Italisë, ndodhen në qytetin e Lezhës dhe po ofrojnë shërbim mjekësor për banorët e zonave rurale të prekura nga tërmeti.

Thuhet se gjatë këtyre ditëve ata do të ndihmojnë me medikamente dhe vizita mjekësore dhe nëse ka persona që kanë nevojë për shërbim më të specializuar, do të mundësojnë dërgimin e tyre në Itali.

“Do ntë dihmojmë me medikamente dhe vizita mjekësore personat e prekur nga tërmeti dhe nëse ka persona që kanë nevojë për shërbim më të specializuar, do të mundësojmë dërgimin e tyre në Toskana të Italisë”, u shpreh mjeku Vat Marashi, përcjell albinfo.ch.

 

---