Paratë e fundit i jep për Shqipërinë

Qytetarët e Kosovës nuk hezitojnë të japin ndihma për familjet shqiptare të prekura nga tërmeti

Një e moshuar nga Podujeva ka dhuruar paratë e fundit që kishte për të prekurit nga tërmeti në Shqipëri.

Ajo i ka dhënë 10 euro, raporton TV Llapi, përcjell albinfo.ch.

“Veç s’pata, se 100 i kisha dhanë. Ato i pata dhe pata qejf, pak tesha pak diçka veç me iu ndihmu. Ishalla Zoti ju ndihmon të tjerëve”, ka thënë ajo.

Ndryshe, aksione të tilla për grumbullime e ndihmave ka pasur në disa pjesë të Podujevës.

Aktualisht ka shkuar në 31 numri i viktimave nga tërmeti i një dite më parë dhe sipas Ministrisë së Mbrojtjes janë plagosur mbi 650 persona, ndërsa mbi 40 janë shpëtuar.

https://www.youtube.com/watch?time_continue=23&v=rxrf3-cvaHY&feature=emb_title

---