Futboll
Legjenda kuqezi: Djali im kurrë nuk do të luajë për Shqipërinë
“Mendoj që tani gjyshja e djalit, është irlandezja më e lumtur”, deklaroi Rudi Vata
Legjenda e futbollit shqiptar Rudi Vata ka ngjallur mjaft polemika në orët e fundit për shkak të përfshirjes së djalit të tij me Kombëtaren e Irlandës.
Rocco Vata pritet të debutojë me përfaqësuesen e moshave të vendit ishullor, pasi siç bën të ditur ish mbrojtësi shkodran, asnjëherë nuk ka patur interes nga drejtuesit e federatës shqiptare të Futbollit, raportojnë mediat shqiptare, përcjell albinfo.ch.
“E di që monitorohet edhe nga Skocia, por Federata Irlandeze ishte e para që u interesua. Askush nuk më kontaktoi për Rocco, nga FSHF. Mendoj që tani gjyshja e djalit, është irlandezja më e lumtur. Njerëzit në Shqipëri e dinë që është përfshirë në listën e Irlandës, dhe shumë prej tyre po më shajnë. Por nëse në Shqipëri do ishin mjaftueshmërisht profesionistë dhe do bënin detyrën, do na kishin kontaktuar”, shprehet Rudi Vata ish-futbollist i Shqipërisë.
Rudi Vata është aktivizuar në 59 ndeshje me përfaqësuesen kuqezi, por edhe pse dëshira e tij mbetet që djalin ta shohë me të njëjtën fanelë, nuk do të ndikojë në vendimin e tij.
“Në Shqipëri nuk treguan respekt dhe profesionalizëm e nëse vazhdojnë, mendoj se djali nuk do luajë kurrë. Nuk mund të diktoj vendimet e djalit, por di që ka potencialin të jetë futbollist special”, ka thënë Vata.
Talenti Rocco Vata është përfshirë në listën U-15 të Irlandës, por pavarësisht aktivizimit, ai sërish mund të zgjedhë Shqipërinë në të ardhmen.
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?