Gjuha
Austri: U përurua libri „Gjuha shqipe 5“, i autorit Izri Rexha
Të pranishmit në përurim librin, në Linc, e vlerësuan si një mundësi më shumë për të mësuar gjuhën shqipe në kuadër të shkollës si dhe një tekst mjaft të përshtatshëm për mësimin në diasporë
Në një manifestim kulturor në Linz të Austrisë u përurua libri „Gjuha shqipe 5“, i autorit dhe mësuesit shqiptar në Austri, Izri Rexha. Libri do të përdoret për nxënësit nga klasa e pestë deri në të shtatën.
Të pranishmit në përurim librin e vlerësuan si një mundësi më shumë për të mësuar gjuhën shqipe në kuadër të shkollës si dhe një tekst mjaft të përshtatshëm për mësimin në diasporë.
Vlerësimin kritik për librin e mbajti publicisti dhe mësuesi i gjuhës shqipe në Austri, z.Ismet Sinani, i cili pasi foli për biografinë e autorit, e vlerësoi këtë libër mjfat praktik si me shtjellimin e tematikave, ashtu edhe në përpunimin e çdo njësie mësimore.
Autori Izri Rexha foli për botimin e librit, kualitetin e shtypit, vështirësitë gjatë botimit si dhe mundësitë e aplikimit të këtij teksti shkollor në praktikë.
Po ashtu edhe mësuesja Qefsere Beslimi Demaj e vlerësoi tekstin si një ndihmesë në mësimin e kësaj lënde mësimore që është shumë e rëndësishme, siç tha ajo, „për ruajtjen e etnitetit tonë“.
Në anën tjetër, publicisti z. Ramiz Selimi referoi një fjalim për mundësitë që ky tekst të hyjë në kuadër të teksteve në Austri.
I pranishëm në këtë përurim ishte edhe Miftar Zagragja, një aktivist i palodhshëm i çështjes kombëtare.
Pas përurimit, në një debat të hapur ishin të gjithë të mendimit se kultura e një shteti varet nga lexueshmëria dhe dituria e qytetarëve të vet, dhe se çdo vepër është një përparim për kombin.
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë