Maqedonia
Në autostradën Veles-Shkup kapen 45 emigrantë
Dënimet për ata që kapen duke transportuar emigrantë janë të larta
Emigrantë nga Siria, Avganistani, Pakistani, Bangladeshi dhe vende tjera të Lindjes së Mesme vazhdojnë që ilegalisht të kalojnë kufirin Greqi-Maqedonia e Veriut, me synimin që të arrijnë në vendet e Evropës Perëndimore.
“Mbrëmë 15 minuta pas mesnatës është arrestuar 28-vjeçari me iniciale I.M nën dyshimin për veprën penale trasport të migrantëve. Në autostradën Veles-Shkup, në afërsi të pikpagesës rrugore është ndalur një automjet Iveko, në të cilën janë gjetur 45 migrantë. Policia e ka arrestuar I.M. dhe ndaj tij do të ngritet procedurë adekuate”, u shpreh Toni Angelovski nga MPB.
Nga MPB thonë se në bashkëpunim me pjesëtarët e policisë së vendeve mike, me të cilët patrullojnë së bashku në kufirin jugor, kanë ndërmarrë të gjitha masat e nevojshme që të pengohen kalimet ilegale të kufirit nga ana e emigrantëve.
Që nga fillimi i këtij viti organet e rendit kanë penguar mbi 50 tentime për transport ilegal të emigrantëve, ndërsa janë regjistruar mbi 15 mijë e 700 tentime për kalim ilegal të kufirit.
Dënimet për ata që kapen duke transportuar emigrantë janë të larta, prej një deri në 5 vjet për emigrantë të moshës së rritur, ndërsa për fëmijë dënimet janë edhe më të larta, por pagesa prej 500 deri në 1000 euro për emigrant bën që disa njerëz t’i futen këtij rreziku.
Në Greqi dhe vendet tjera të BE-së ekziston frika për rritjen e numrit të emigrantëve pas intervenimit të ushtarak të Turqisë në pjesën veriore të Sirisë.
Autoritetet greke kanë njoftuar se vetëm të premten dhe të shtunën në Greqi kanë arritur mbi 240 migrantë nga Turqia, ndërsa nuk e përjashtojnë mundësinë se numri në ditët në vijim mund të rritet.
Të ngjashme
Të tjera nga Maqedonia
E-Diaspora
-
Në Zvicër u mblodhën mbi 37 mijë euro në edicionin e 6-të të ngjarjes filantropike Save a Life! Çmimi “Champion for Mother and Children” iu dhurua z. Sevdail Tahiri, si mbështetës i madh i...
-
Zvicër: Kjo anije është rezervuar për shqiptarët
-
Prezantohet në Vjenë platforma “Made in Kosova“
-
Shaqiri lë pas dëmtimin, i gatshëm për Evropianin
-
“Alba Festival” mbahet në zemër të Cyrihut me “Line Up-in” më të mirë ndonjëherë
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë