Shfrytëzo privilegjin për të votuar. Bëhet fjalë për të ardhmen tënde!

Është me rëndësi që populli të dalë në zgjedhje dhe votime. Duke qëndruar indiferent nuk bëhet asnjë ndryshim! Secili që ankohet për një politikë të dështuar dhe megjithatë nuk voton, është në fakt vetë fajtor! Çdonjëri e ka në dorë të vendosë që edhe shqetësimet e tij të përfaqësohen në politikë.

Prandaj, shkoni në qendrat e votimit!

Ka vende në të cilat njerëzit vriten me gurë ose burgosen kur ngrejnë zërin e tyre ose e vënë në dyshim sistemin. Ne jetojmë në një vend në të cilin mund të ndërhyjmë drejtpërdrejt dhe të marrim pjesë në procesin politik. Përse atëherë nuk e bëjmë? Përse nuk e shfrytëzojmë votën tonë e cila këtu te ne ka vlerë? Çfarë po presim?

Shumë veta harrojnë se kjo që përcaktohet sot, ligjet që ne sot i miratojmë, prekin ardhmërinë tonë. Këtë ardhmëri në të cilën do të jetojmë ne të gjithë, fëmijët dhe nipërit tanë.

Të rinjtë sot dalin në rrugë që të demonstrojnë për një mbrojtje efektive të klimës. Me këtë veprim ata kërkojnë reduktim te CO2-shit. Por vetëm të dalësh në rrugë nuk mjafton. Angazhimi është ai që ia vlen: Në politikë, shoqata dhe po ashtu, duke votuar.

Nëse çdo herë votojnë vetëm një e pesta e njerëzve me të drejtë vote, ata të moshës mbi 50 vjeçare, atëherë këta po  vendosin për të ardhmen tonë. Ne po lejojmë kështu të mos jemi pjesë e këtij procesi.

Ne mund ta bëjmë ndryshimin. Ne bashkë mund ta formësojmë të ardhmen tonë të përbashkët dhe vendin në të cilin jetojmë dhe punojmë.

Prandaj, ju lutem, mos i hidhni zarfat zgjedhorë. Jepjani votën tuaj të gjithëve që ndajnë vizionin dhe mendimet tuaja. Bëjeni dallimin.

Të gjithë ata që kanë nevojë për ndihmë në plotësimin e fletëvotimit, mund të më kontaktojnë në çdo kohë.

Përzemërisht

Arbela Statovci, kryetare e FDP-së, Wallisellen.

 

 

 

---