Bota
Oferta 1 € për shtëpi në Sicili po jep efekt
Zyrtarët komunalë blenë shtëpi boshe, pastaj ofruan pronat me çmim nominal në tregun global për të tërhequr njerëz të rinj
Për shumë njerëz është ëndërr të jetosh në Itali. Ndaj një komunë e njohur e Sicilisë, e quajtur Sambuca, është duke ndihmuar të huajt që të vijnë të jetojnë atje duke propozuar çmime shumë të ulëta për blerjen e shtëpive; për vetëm 1 euro.
Në fillim të vitit 2019 zyrtarët e këtij qyteti të vogël rural, njoftuan një plan për të ringjallur komunitetin e tyre, i cili ishte në tkurrje, duke nxjerrë në shitje të gjitha shtëpitë e braktisura dhe të vjetra për vetë 1 euro.
Si shumë qytete të tjera të vogla në të gjithë Evropën, Sambuca vuante nga rënie e thellë e popullsisë ndërsa banorët e zonës lëviznin nga fshatrat drejt qyteteve, transmeton Scan.
Kështu që zyrtarët komunalë blenë shtëpi boshe, pastaj ofruan pronat me çmim nominal në tregun global për të tërhequr njerëz të rinj, përcjell albinfo.ch.
Kjo nismë funksionoi shumë mirë. Pas kërkesave nga e gjithë bota, si artistë, valltarë, muzikantë e më shumë, banorët e rinj të Sambuca po rregullojnë shtëpitë dhe po transferohen aty tashmë duke e ripopulluar këtë vend. Investimi për rinovim është kërkesa e vetme e këtyre blerjeve, të cilat po i japin një grupi të larmishëm blerësish ndërkombëtarë një vend të ri dhe të veçantë për të jetuar apo pasur një shtëpi pushimi.
Kryetari i bashkisë së Sambuca, Leonardo Ciaccio, u shpreh shumë i lumtur kur shikon shtëpitë boshe teksa shndërrohen në shtëpi të lulëzuara. “E gjitha u zhvillua shumë bukur”, tha ai.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?