Droni ndërpret ndeshjen në Ligën e Evropës

Një ngjarje e ngjashme me atë që kishte ndodhur vite më parë në Beograd

Ndeshja e vlefshme në Ligën e Evropës mes Dudelanges dhe Qarabag është ndërprerë shkaku i një droni që është futur në stadium me simbolet e Armenisë.

Një ngjarje e ngjashme me atë që kishte ndodhur vite më parë në Beograd, në përballjen mes Serbisë dhe Shqipërisë ka ndodhur edhe në Ligën e Evropës. Kjo ndodhi në ndeshjen mes Dudelanges dhe Qarabag që po zhvillohet në stadiumin Josy Barthel në Luksemburg, kur rezultati ishte 2-0 në të mirë të klubit nga Azerbajxhani.

Droni përmbante simbole të Armenisë dhe kjo ishte një befasi e hidhur për lojtarët mysafirë. Këta të fundit njihen për konfliktet e tyre me Armeninë ndër vite. Konflikti është aq i ndjeshëm sa që Henrikh Mkhitaryan nuk ishte lejuar të merrte pjesë në finalen e Ligës së Evropës në Baku, shkaku që ishte armen. Lojtarët nga Azerbajxhani kanë braktisur menjëherë fushën e lojës, për t’u kthyer pastaj në fushë.

Pasi u kthyen në fushë, ata e shënuan dhe një gol me Richard për 3-0. Pjesa e dytë në këtë përballje ka filluar me vonesë.

https://twitter.com/AlhajiSpartan/status/1179845023422124032

Le drône avec le drapeau arménien survolant le match Dudelange Qarabag #EuropaLeague pic.twitter.com/8rMizac3O9

— Giardi (@giardieci) October 3, 2019

---