Bota
Një vit nga vrasja e Jamal Khashoggi, e fejuara e të ndjerit në kërkim të drejtësisë
Princi saudit, Mohammed bin Salman ka mohuar të ketë qenë i përfshirë në vrasje
Një ceremoni përkujtimore është mbajtur në Stamboll për gazetarin saudit, Jamal Khashoggi, i cili është vrarë në atë qytet një vit më parë.
Khashoggi, një kritik i zëshëm i Qeverisë së Arabisë Saudite është vrarë brenda konsullatës saudite në qytetin turk, nga një ekip i agjentëve sauditë.
E fejuara e tij, Hatice Cengiz, ka thënë gjatë ceremonisë se ende është në kërkim të drejtësisë.
Princi saudit, Mohammed bin Salman ka mohuar të ketë qenë i përfshirë në vrasje, mirëpo një ekperte e Kombeve të Bashkuara ka bërë thirrje që të hetohet ai.
Në një raport të publikuar në muajin qershor, raportuesja speciale e Kombeve të Bashkuara, Agnes Callamard, e pati cilësuar vdekjen e Khashoggit si “ekzekutim me paramendim”.
Të dielën, trashëgimtari i fronit, bin Salman ka thënë se personalisht nuk ka urdhëruar vrasjen e Kashoggit, mirëpo mban përgjegjësi të plotë si lider saudit. shkruan REL.
Prokurorët e Mbretërisë Saudite kanë nisur proces gjyqësor ndaj 11 personave, të cilët kanë qenë të përfshirë në një “operacion të ashpër”, i cili ka rezultuar me vdekjen e Khashoggit.
Ata janë duke kërkuar dënim me vdekje për pesë prej tyre.
Mirëpo Vëzhguesi për të Drejta të Njeriut ka thënë se gjykimi nuk përmbush standardet ndërkombëtare dhe se autoritetet saudite kanë “penguar përgjegjësinë kuptimplotë”.
Në raportin e OKB-së, hetuesit kanë thënë se Khashoggit i është injektuar një sasi e madhe e drogës, që ka rezultuar me mbidozë.
Më pas pjesëtarët e ambasadës është thënë t’i kenë coptuar trupin dhe e kanë dërguar në një vend të panjohur jashtë konsullatës percjell Albinfo.ch.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?