Shqipëria

Saimir Tahiri i shpëton qelisë

Tahiri nuk do të mund t’i kthehet jetës politike, të paktën për pak vite, duke marrë poste

E enjte, 19 Shtator 2019 - 23:59 albinfo.ch

3 vite shërbim prove caktoi Gjykata e Krimeve të Rënda për Saimir Tahirin, ish-ministër i Brendshëm, duke rikualifikuar akuzën në “shpërdorim detyre”. Por ndonëse i shpëtoi qelisë, ku Prokuroria e Krimeve të Rënda kërkoi ta dërgonte për tre akuza të tjera të rënda, Tahiri nuk do të mund t’i kthehet jetës politike, të paktën për pak vite, duke marrë poste.

Gjykata vendosi që Tahirit t’i ndalohet për tre vite marrja e posteve publike. Gjithsesi, ish-ministri paralajmëroi se do e apelojë vendimin, duke u shprehur i pakënaqur shkruan Top Chanell. percjell Albinfo.ch.

“Gjykata tha nuk jam kriminel, nuk jam trafikant, nuk jam pjesë e një grupi të strukturuar kriminal, por meqë me disa kushërinj kemi përdorur një makinë, jam shpallur fajtor për shpërdorim detyre”, tha ish-ministri i Brendshëm.

Tahiri e konsideroi disa herë si absurd vendimin e dhënë sot nga Gjykata, ku ai u dënua me 3 vite shërbim prove vetëm për akuzën e “shpërdorimit të detyrës”. Ai paralajmëroi se do e apelojë edhe këtë vendim. Ish-ministri theksoi se nesër do të ketë një dalje më të gjatë për mediat.

 Të ngjashme

Bien dyshimet për antisemitizëm, “Baba News” mund të vazhdojë mbajtjen e kurseve

 Të tjera nga Shqipëria

Kosova dhe Shqipëria në krye të kërkesave për bashkim familjar në Gjermani

 E-Diaspora

 Jeta në Austri